नकःमि समाजया दँमुँज्या
येँ (सन्ध्या टाइम्स)/नकःमि समाजया १९ क्वःगु दँमुँज्या जुल। समाजया नायः जितेन्द्र नकःमिया अध्यक्षताय् जूगु उगु ज्याझ्वलय् ज्याथम्ह संस्कृतिविद् सत्यमोहन जोशी, नांजाःम्ह ख्यालःच्वमि रामशेखर नकःमि, बाखं च्वमि लक्ष्मण राजवंशीपिंसं नुगःखँ प्वंकादीगु खः ।
ज्याझ्वलय् २०६५ सालय् एसएलसी परीक्षाय् ताःलाःपिं नकःमि परिवारया मस्त मध्ये दकलय् अप्वः ल्याः हःपिं छात्रछात्रायात जीतबहादुर सिंह शिक्षा सिरपाः लःल्हाःगु खः।
अथे हे थीथी ख्यलय् च्वनाः ज्या यानाच्वंपिं नकःमि समाजया विशिष्ट मनूतय्त हनापौ बियाः हनेगु ज्या नापं समाजयात ग्वाहालि याःपिंत सुभाय्पौ बीगु ज्या नं जूगु खः ।
