ज्याथाय् मिखा शिविर

येँ (सन्ध्या टाइम्स)/जेसीआई काठमाडौं लेडी (नेपाल) व श्री ज्याठा युवा तथा सामुदायिक विकास क्लबया मंकाः ग्वसालय् मिखा शिविर जुल। उगु ज्याझ्वलय् मनूया जीवनय् मिखा व मिखाया महत्व बारे जेसीआई काठमाडौं (लेडी) नेपालया अध्यक्ष जेसि शान्तितारा मानन्धर, ज्याठा क्लबया अध्यक्ष शेरबहादुर डंगोल, मूपाहां समाजसेवी भरत बस्नेत व चिकित्सकपाखें डा. राजन लवपिंसं कनादीगु खः। शिविरय् ११९ म्हेस्यां मिखा जाँचे याकूगु खः। ज्याझ्वलय् क्लबया सचिव गोपाल महर्जनं लसकुस यानादीगु खःसा जेसि सुमित्रा पलान्चोकें सुभाय् देछानादीगु खः ।