बस फाटापुला खुम्ह सित

मकवानपुरया महरीलय् च्वंगु पूर्व-पश्चिम राजमार्गय् वंगु चान्हय् छगः यात्रु बहाक बस फाटापुला खुम्ह सीगु दु । उगु दुर्टघनाय् लानाः मेपिं नीनिम्ह घाःपाः जूगु दु ।

येँ नं सिन्धुली पाखे वनाच्वंगु बा. २. ख. ३३४८ नम्बरया बसं सतकय् दिकातःगु ना. ३. ख. ४३१३ नम्बरया ट्रकयात ल्यूनें ठक्कर बिवं दुर्घटना जूगु ख: । चान्हय् छताः इलय् बसं ट्रकयात ठक्कर नकेवं ट्रक सतकं १० मिटर क्वये कुतुवंगु खःसा उगु ट्रकया च्वये बस नं कुतुवंगु खः ।

दुर्घटनाय् लानाः बसया खलासी प्रेम विक, कण्डकटर सुरज बुढाथोकी व सिन्धुलीया नीछदँया यात्रु सुनिला अधिकारी सीगु दुसाः मेपिं स्वम्हेसिया सनाखत मजुनीगु खँ प्रहरीं धाःगु दु । अथेहे घाःपाः जूपिं मध्ये झिंन्हय्म्हेसित भरतपुर व मेपिं न्याम्हेसित स्थानीय प्राथमिक स्वास्थ्य केन्द्रय् वासः याकातःगु दु ।