मजदुरतय्गु वैठक

प्रधानमन्त्री पुष्पकमल दाहाल प्रचण्डं प्रतिवि्रुयावादीतय्सं प्रतिक्रान्तिया लिपांगु तयारी यानाच्वंगुिलं क्रान्तिकारीतय्सं नं क्रान्तिया लिपांगु तयारी याइगु ई जूगु धयादीगु दु । अखिल नेपाल ट्रेड युनियन महासंघया संघीय परिषद्या बैठकय् थौं न्वंवानादिसें वय्कलं उकिया निितं तयार जुयाच्वनेत मजदुरतय्त इनाप यानादिसे वय्कलं लिपांगु व्रुान्तिया निितं आः यक्वः ई ल्यं मदुगु वय्कःया धापू दु ।

वय्कलं आः याकनं हे मेगु कम्युनिष्ट केन्द्रलिसे एकीकरण जुइत्यंगु खँया नं जानकारी बियादीगु दु । चांचां ज्या यानाः हाकुगु धन मुंकाः अर्बपति जूिपं भ्रष्टाचारीतविरुद्ध सरकारं आः निशाना तप्यंकेगु प्रधानमन्त्री पं्रचण्डं घोषणा यानादीगु दु । तर वय्कलं सरकारं भ्रष्टाचारीतय्त कारवाही यायेत गज्याःगु ज्याझ्वः हयेत्यंगु खः उकिया विषयसं ध्वाथुइका मदी । शान्तिया आःया मोर्चा त्याकाः जक क्रान्ति ताःलाइगु धयादिसें वय्कलं लिपांगु चरणय् माओवादीविरुद्ध जुयाच्वंगु कुप्रचार फायेमाःगु धयादीगु दु । माओवादीया लिपांगु लक्ष्य मजदुरवर्गया मुक्ति जूगु धयादिसें वय्कलं पार्टी गबलें मजदुरया हीत विपरीत मवनीगु धयादीगु दु । आः दयेकीगु न्हूगु संविधान मजदुर किसान वर्गया हीतयात प्राथमिकताय् तयाः दयेकेगु खँ न्ह्यथनादीगु दु । संविधान निर्माण याकेमबीत म्हिगःया प्रतिकि्रयावादीत आः नं षडयन्त्र यानाच्वंगु व वहे झ्वलय् प्युठानय् चौकी व पार्टी पोलिटब्युरो दुजः शक्तिबहादुर बस्नेतयात आव्रुमण जूगु धयादीगु दु ।

अथेहे वय्कलं प्रधानमन्त्रीया निितं धयातःगु छगू करोड तकाया गाडी पुलांम्ह प्रधानमन्त्री गिरिजाप्रसाद कोइरालां धयातःगु खँ उलादिसें वय्कलं उगु गाडी थम्हं मगयेगु स्पष्ट यानादीगु दु । अथेहे नेकपा एमालेया बुटवलय् जुइगु च्याक्वःगु महाधिवेशनय् थः पाहाँयाकथं ब्वति कायेगु नं प्रधानमन्त्री प्रचण्डं जानकारी बियादीगु दु ।