थौं समितिया मुँज्या

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिया मुँज्या थौं च्वनीगु जूगु दु। थौंया मुँज्या वइगु बैशाख १४ गते संविधानसभा घेराउयात ताःलाकेगु नापं उकिया निंतिं थीथी लागाया समन्वय समिति व नेवाः खलः पुचःयात समन्वय यायेगु विषययात कयाः सहलह जुइगु खँ मंकाः संघर्ष समितिया नायः सानुराजा शाक्यं कनादीगु दु । मुँज्याय् घेराउ ज्याझ्वःयात अझ प्रभावकारी यायेगु नापं यक्व नेवाःतय्त सतकय् क्वत हयेगु विषययात कयाः नं सहलह जुइ धाःगु दु ।