रूसय् विमान दुर्घटना जुया पोलिस राष्ट्रपति मंत
रूसय् विमान दुर्घटना जुया पोल्याण्डया राष्ट्रपति लेक कास्जिन्की नापं पोल्याण्डया उच्चअधिकारत सीगु दु । शनिवाः सुथय् पश्चिम रुसय् जूगु दुर्घटनाय् लानाः राष्ट्रपति लेक नापं विमानय् सवार १३०म्ह यात्रुत दक्वं सीगु खँ रुसी व पोलिस अधिकारीतय्सं धाःगु दु ।
काटिन जंगलय् सोभियत महासंघया प्रहरीं द्वलंद्वः पोलिस अधिकारीतय्त स्याःगु नरसंहारया स्मृति दिवसया समारोहलय् ब्वति कायेत उखे पाखे वनाच्वंपिं उच्चअधिकारीत सहितया विमान ख्वातुगु खसुया कारणं दुर्घटना जूगु खः । स्थानिय भिंछताः ईलय् स्मोलन्स्क विमानस्गथ नापंया सिमाय् न्यानाः उगु विमान दुर्घटना जूगु खः ।
दुर्घटनाय् राष्ट्रपति लेक नापं वय्कया जहान, पोलिस सेना प्रमुख, राष्ट्रिय बैंकया अध्यक्ष, उप परराष्ट्रमन्त्री, उच्च सैनिक अधिकारी, राष्ट्रिय सुरक्षा ज्याकूया प्रमुख, संसदया उप सभामुख, नागरिक अधिकार अधिकारी, स्वम्ह अधिवक्ता सहित अधिकार उगु विमानय् दुगु खः ।
