डिआइजीया छेँय् लखौं खुयायंकल

प्रहरी प्रधान ज्याकूया सुरक्षा महाशाखाय् कार्यरत डिआइजी विश्वराज सिंहया येँया बुढानीलकण्ठय् च्वंगु छेँय् वंगु चान्हय् लखौं ध्यबा खुयायंकूगु दु । चान्हय् निताः इलय् खुकुरी ज्वनाः वःपिं प्यम्ह खुंतय्सं लुँ व ध्यबा यानाः न्हय्गू लख बराबर खुयायंकूगु दु । म्हुतुइ मास्क तयाः व:पिं खुंतय्सं डिआइजी सिंह व वय्कया छेँजः द्यनाच्वंगु इलय् भान्छाया जाली चानाः नीन्यागू मिन्टेया दुने खुयायंकूगु खः ।