कांग्रेसया महाधिवेशन भदौ १०-१४ गते
नेपाली कांग्रेसया झिंनिक्वःगु महाधिवेशन भदौ १० निसें १४ तक येँय् जुइगु जूगु दु ।
ताः ईया विवाद लिपाः शुक्रवाः च्वंगु कांग्रेस केन्द्रीय कार्यसमितिया बैठकं न्हूगु मिति क्वःछीउगु खः । म्हिग च्वंगु कार्यसमितिलय् कार्यवहाक सभापति सुशील कोइरालां प्रस्ताव यानादीगु थुगु मितिइ अधिकांश दुजःतय्सं उपयुक्त ई जूगु धाःका सहमति प्वंकूगु खःसां दुजःतय्सं थःगु बिचाः प्वंकेगु ई क्वमाचाःगुलिं थौंया बैठकं तिनि थुकीया बारे अन्तिम निर्णय याःगु खः ।
बैठकं जिल्ला समितिलय् विवाद जूगु च्यागू जिल्ला समितिया विवाद बैशाख मसान्त दुने क्वचायेकेत निर्देशन ब्यूगु दु । नापं बैशाख १५ गते दुने पार्टी सदस्यता केन्द्रय् छ्वयेत बैठकं निर्देशन ब्यूगु दु ।
अथेहे थौंया बैठकय् पार्टीया वरिष्ठताया विवाद नं मिले जूगु दु । कांग्रेस व कांग्रेस प्रजातान्त्रिक दथुइ पार्टी एकीकरण जूग सहमतिया आधारय् पार्टीया वरिष्ठ नेताय् कृष्णप्रसाद भट्टराई, निगूगु थासय् शेरबहादुर देउवा व स्वंगू थासय् सुशील कोइरालायात ब्यूगु दु । पार्टीया कार्यवहाक सभापतिया नेतृत्व धाःसा कोइरालाया जिम्माय् लाःगु दु ।
