सेना समायोजन समितिं खुगू दलनाप सहलह याइगु

सेना समायोजन विशेष समितिं माओवादी लडाकु समायोजन बारे खनेदुगु विवाद मिलेयायेत खगू दल नाप सहलह यायेगु निर्णय याःगु दु ।

सिंहदरवारय् दुगु प्रधानमन्त्रीया ज्याकूथीइ शुक्रवाः च्वंगु समितिया बैठकं माओवादी लडाकु समायोजन व्यवस्थापन व पुनर्स्थापनय् खनेदुगु विवादित विषयलय् संविधानय् प्रतिनिधित्व याइगु प्रमुख खुगु दलया बिचाः न्यनाः समितिया ज्याखँ न्ह्याकेगु सहमति जूगु खः ।

समितिया बैठकय् राजनीतिइ वने चाहे जूपिं लडाकुतय्त उपलब्ध याकेगु ध्यबाया विषयलय् दलत दथुइ विवाद जुयाच्वंगु खः ।