देय् दबू झापाया तःमुँज्या
झापा (सन्ध्या टाइम्स)/नेवाः देय् दबूया न्हापांगु झापा जिल्ला अधिवेशन तःजिक क्वचाल। ज्याझ्वलय् मूपाहां कथं झाःम्ह नेवाः देय् दबूया संरक्षक मल्ल के. सुन्दरं संघीयता बारे दुगु भ्रम चीकेगु ज्या यानादीगु खः। उगु हे ज्याझ्वलय् स्वयम्भुलाल श्रेष्ठ, भक्तमान शाक्य, म्वाःम्ह सहिद गोपाल श्रेष्ठ व चक्रकुमार श्रेष्ठयात हनेगु ज्या नं जूगु खः। ज्याझ्वलय् थीथी पार्टी व जनजाति प्रतिनिधितय्सं नं न्ववानादीगु खः। उगु अधिवेशनं कृष्ण उदासया अध्यक्षताय् झापा जिल्ला समिति स्वंगु दु। उकिया न्वकु सुन्दरी कुमारी श्रेष्ठ, छ्यांज्ये दिनेश शाक्य, सहसचिव पूर्णमान श्रेष्ठ, दांभरि सुमा श्रेष्ठ च्वनादीगु दु ।
