हस्ताक्षर मुनेज्याय् वामदेव नं
येँ (सन्ध्या टाइम्स)/वर्तमान सरकारं राजीनामा बियाः राष्ट्रिय सरकार गठनया पहल यायेमाः धइगु माग यासें एमालेया छुं सभासद्तय्सं यानाच्वंगु हस्ताक्षर संकलनय् पार्टीया न्वकु वामदेव गौतम नं खुले जुयाः लगे जुयादीगु दु। वय्कः सभासद् मखुसां सभासद्तय्त ग्वाकेगु ज्याय् धाःसा वय्कः खुले जुयादीगु दु ।
उखे सरकारं राजीनामा बीमाः धकाः हस्ताक्षर याःपिं थःगु पार्टीया सभासद्तय्त प्रधानमन्त्री माधव नेपालं म्हिगः भ्वय् नकादीगु दु। खतुं थौंकन्हय् वय्कलं न्हिंन्हिं हे वालुवाटारय् भ्वय् याना च्वनादीगु खःसा म्हिगः थःगु विरोधय् कुहां वयाच्वपिं सभासद्तय्त भ्वय् नकूगु खः। उगु इलय् नं सभासद्तय्सं प्रमयात राजीनामा बियाः अवरुद्ध राजनीतियात निकास बीमाल धकाः इनाप याःगु खँ धाःगु दु ।
