कांग्रेस महाधिवेशन भाद्र ११ गतेपाखे
येँ (सन्ध्या टाइम्स)/नेपाली कांग्रेसया १२ क्वःगु महाधिवेशन २०६७ सालया भाद्रय् जुइगु जूगु दु। म्हिगः च्वंगु पार्टीया केन्द्रीय बैठकं थ्व सहमति कायम याःगु खः। भाद्रया ११ निसें १४ गते तकया दुने पार्टी महाधिवेशन येँय् यायेगु सहमति जूगु खँ धाःगु दु। थौं च्वनीगु बैठकं थुकिया पाय्छि तिथि क्वःछीगु खँ नं धाःगु दु। पार्टी सभापति गिरिजाप्रसाद कोइराला मदयेधुंकाःया न्हापांगु महाधिवेशन जूगुलिं थ्व भेला अतिकं महत्वपूर्ण जुइगु खँ कांग्रेस कार्यकर्तातय्सं धाःगु दु ।
