लिम्बुवानय् लगातार सभा
येँ (सन्ध्या टाइम्स)/लिम्बुवान लागाय् अरुण पूर्वया गुंगू जिल्ला नं लाकेमाः धासें अन थीथी आमसभा याःगु दु। लिम्बुवानी सेनापति काङ्सोरें पृथ्वीनारायण शाहया सेनालिसे ल्वाःगु युद्धस्थलय् म्हिगः छगू सभा याःगु दु। संघीय लोकतान्त्रिक राष्ट्रिय मंचया अध्यक्ष एवं मचंलिसे आवद्ध संघीय लिम्बुवान राज्य परिषद्या नायः कुमार लिङ्देन 'मिराक' मूपाहां कथं झाःगु उगु सभाय् उगु लागाया थीथी जातीय समुदायया न्ह्यलुवातय्सं नं संवोधन यानादीगु खः।
उगु लागाय् लिम्बुवान भूमि कुचा थले दइ मखु धकाः ब्यापक रुपं पोष्टरिङ्ग व वालिङ्ग नं शुरु यायेधुंकूगु दु ।
