प्रतिस्पर्धाया आधारय् एमआरपी छापे यायेत हानं निर्देशन

व्यवस्थापिका संसद अन्तर्गतया लेखा समितिं मेसिन रिडेबल पासपोर्ट (एमआरपी) प्रतिस्पर्धाया आधारय् छापे यायेत सरकारयात हानं निर्देशन ब्यूगु दु ।

शुक्रवाः च्वंगु समितिया बैठकं प्रचलित कानुन व सार्वजनिक खरिद ऐन कथं प्रतिस्पर्धाया आधारय् पासपोर्ट छापे यायेत निर्देशन ब्यूगु खः । सरकारयात लेखा समितिं प्रतिस्पर्धाया आधारय् एमआरपी छापे यायेत थ्व स्वक्वःगु खुसीइ निर्देशन ब्यूगु खः । समितिं थ्वस्वयां न्ह्यः निक्वः तक ब्यूगु निर्देशनयात वेवास्ता यासें सरकारं भारतीय कम्पनीयात एमआरपी छापे यायेगु जिम्मा ब्यूगु खः ।

अथेहे समितिं एमआरपी छापे यायेगु ज्या न्यादँ न्ह्यः हे जुइमाःगु खःसां आः तिनि थुकीया बारे निर्णय यायेगु धासें परर्राष्ट्र मन्त्रालयलय् छानबिन यायेत सरकारयात निर्देशन ब्यूगु दु ।