देशय् रक्तपात जुसाः सेना सुम्क च्वनीमखु : कटवाल
नेपाली सेनाया पुलांम्ह प्रधानसेनापति रुक्माङ्ग कटवालं देशय् रक्तापतया स्थित जुसाः नेपाली सेना सुम्क मच्वनीगु खँ धयादीगु दु । वय्कलं धयादिल, 'देशय् रक्तापातया स्थिति वल, नेपाली जनतायात स्यायेगु शुरु जुसाः सेना बार्दली च्वनाः जक स्वयमच्वनीमखु ।'
शुक्रवाः सुथय् थःगु हे छेँय् संचारकर्मीत नाप खँलहाबंला यानादिसें कटवालं रक्तापात जुसाः सेना सुम्क मच्वनीगु खँ धयादिसां जेठ १४ गते संविधान जारी मजुसाः सैनिक शासन धाःसा लागु मजुइगु दावी यानादिल ।
अथेहे वय्कलं राजतन्त्र, संघीयता व हिन्दू राज्य थंज्याःगु महत्वपूर्ण विषयलय् जनमत संग्रह यायेमाःगु बिचाः प्वंकादिसें प्रजातन्त्रय् 'राष्ट्रिय इश्युलय्' जनता न्ववाये दइगु की मदइगु धकाः न्ह्यसः तयादिल । वय्कलं ईया माग कथं थः राजनीतिलय् वयेफुगु खँ नं धयादिल ।
वय्कलं माओवादी लडाकुत छगू वाद पाखें प्रशिक्षित जूगुलिं दलतय्सं धायेवं नेपाली सेनाय् समायोजन मजुइगु धयादिल ।
