अनमिनया म्याद तनेत सरकारयात निर्देशन

व्यवस्थापिका संसदया अन्तर्राष्ट्रिय सम्बन्ध व मानव अधिकार समितिं नेपाः स्थित राष्ट्रसंघीय मिसन अनमिनया म्याद थप यायेत सरकारयात निर्देशन ब्यूगु दु । शान्ति प्रकृया निष्कर्षय् मथ्यनीगुलिं क्षेत्राधिकारय् आवश्यक संशोधन यानाः जुसां अनमिनया म्याद थप यायेत बिहीवाः समितिं निर्देशन ब्यूगु खः ।

बिहीवाः समितिं अनमिनतया भूमिकाया बारे प्रधानमन्त्री माधवकुमार नेपालनाप सरकारया आधिकारीक धारण न्यंगु खः । बैठकय् प्रधानमन्त्री नेपालं अनमिनया बारे दलतनाप सहलह यानाः म्याद तनेगु वा मतनेगु बारे निर्णय यायेगु खँ धयादीगु खः ।

सरकारं वइगु मे १५य् अनमिनया म्याद क्वचाये धुंकाः म्याद थप मयायेगु अभिव्यक्ति बियावयाच्वंगु इलय् संसदीय समितिं थंज्याःगु निर्देशन ब्यूगु खः ।