एमआरपीया विरोधय् माओवादीं नेपाल बन्द घोषणा

एकीकृत नेकपा (माओवादीं) मेसिन रिडेवल पासपोर्ट (एमआरपी) भारतयात छापे याकेबीगु सरकारी निर्णयया विरोधय् वइगु चैत ३० गते नेपाल बन्दया घोषणा याःगु दु ।

बिहीवाः च्वंगु माओवादी पदाधिकारीतय् बैठकं एमआरपी छापे याकेत भारतयात बीगु सरकारी निर्णय लितकायेमाःगु माग यासें बन्दया घोषणा याःगु खः । माओवादीं सरकारं निर्णय लितमकासा सतक व संसद निगूलिं थासं विरोध तच्वयेकेगु खँ धाःगु दु ।

सरकारं संसदया सार्वजनिक लेखा समितिया निर्देशन पालना मायासें सार्वजनिक खरिदया नियम विपरीत बिना प्रतिस्प्रर्धा भारतयात एमआरपी छापे याके बीगु निर्णय याःगु खः । थुकीया हे विरोधय् सर्वोच्च अदालतय् दयार जूगु रिटय् नं अदालतं पासपोर्ट छापे याकेबीगु सरकारी निर्णय तत्काल कार्यान्वयन मयायेत बुधवाः सरकारयात अन्तरिम आदेश ब्यूगु खः ।