एसएसबीं नेपाःमि विरुद्ध मुद्दा

नवलपरासीया सीमाय् च्वंगु ककलिहवाया नथईनगर सीमाय् छुं दिं न्ह्यः भारतीय सीमा सुरक्षा बल (एसएसबी) व नेपाःमित दथुइ ल्वापू जूगु घटनायात कयाः एसएसबीं नवलपरासीलय् छुं नेपाःमि विरुद्ध मुद्दा दायर याःगु दु । उमिसं नेपाःमितय्सं थःपिंत दाःगु धासें मुद्दा दयार याःगु खः ।

वंगु चैत १२ गते एसएसबी व स्थानीय नेपाःमित दथुइ ल्वापू जूगु खः । उगु ल्वापुइ एसएसबीया खुम्ह घाःपाः जूगु खः । घाःपाः जूपिं मध्ये निम्ह गम्भीर घाःपाः जूगु खः ।