राजतन्त्रया औचित्य अझ दनी : थापा
राष्ट्रिय प्रजातन्त्र पार्टी नेपालया अध्यक्ष कमल थापां नेपालय् राजतन्त्रया औचित्य अझ समाप्त मजुनीगु खँ धयादीगु दु । वय्कलं नेपालय् जुजु नापंया प्रजातन्त्र आवश्यक जूगु खँ नं धयादिल ।
बिहीवाः हेटौंडाय् पत्रकारतनाप खँल्हाबंला यानादिसें वय्कलं नेपाःया भूबनोट, राजनीतिक अवस्था व नेपाःमिया राजतन्त्र प्रतिया चाहनां नेपालय् अझं राजतन्त्र आयश्यकता जूगु कनादिल । वय्कलं राजतन्त्रया बारे निर्णय यायेगु अधिकार नेपाली जनतायात जक दुगु धयादिल ।
वइगु जेठ १४ गते दुने संविधान घोषणा मजुसाः अधिनायकवादया जन्म जुइगु पाखे राजनीतिक दलत सचेत जुइमाःगु धयादिसॆं इलय् संविधान जारी यायेमाःगु खँय् बः बियादिल । वय्कलं इलय् हे संविधान निर्माण यायेत जनदबाव आवश्यक जूगु नं बिचाः प्वंकादिल ।
अथेहे वय्कलं संविधानसभाया म्याद तनेगु गोप्य सहमति माओवादी, कांग्रेस व एमाले दथुइ जुइधुंकूगु दावी यानादिसें जेठ १४ गते हे संविधान जारी यायेगु प्रतिबद्धता प्वंकाः स्वंगू दलं जनताया झंग ल्हा:गु द्वपं बियादिल । वय्कलं स्वंगू दलया थुगु पहयात नाटकया संज्ञा नं बियादिल ।
