बाध्यतावस भारतयात एमआरपी : गच्छदार
उपप्रधानमन्त्री नापं भौतिक योजना व निर्माणमन्त्री विजयकुमार गच्छदारं परराष्ट्र मन्त्रालयया अधिकारीतय् ढिलासुस्तीया कारणं बाध्यतावस भारतयात मेसिन रिडेवल पासपोर्ट (एमआरपी) छापे यायेबीगु निर्णय यायेमाःगु खँ धायदीगु दु ।
बुधवाः इटहरीलय् जूगु पत्रकार सम्मेलनय् न्ववनादिसें मन्त्री गच्छदारं परराष्ट्रया अधिकारीतय् ढिलासुस्तीया कारणं वाध्यतावश अज्याःगु निर्णय यायेमाःगु खःसां आपसी सम्झौता कथं हे भारतयात एमआरपी छापे यायेत बीगु निर्णय मन्त्रिपरिषदं जूगु धयादिल ।
अथेहे वय्कलं माओवादी लडाकुया व्यवस्थापन व समायोजन मजुतल्ले संविधान जारी यायेमफइगु दावी यानादिल । वय्कलं लडाकु व्यवस्थापन मजुतल्ले दिगो शान्ति स्थापना यायेत असम्भव जूगुलिं न्हापां लडाकु व्यवस्थापन यायेमाःगु खँय् बः बियादिल ।
सेनाय् माओवादी लडाकुयात समूहगत रुपं प्रवेश याकेमज्यूगु धयादिसें मन्त्री गच्छदारं माओवादीया अर्धसैनिक संरचना वाईसीएलया विघटन, द्वन्द्वया इलय् कब्जा याःगु छेँबुँ लित मब्यूतले संविधान जारी याये थाकुइगु धयादिल ।
