माओवादी व कांग्रेस दथुइ ल्वापू जुइवं सिमिकोटय् कर्फ्यू

एकीकृत नेकपा (माओवादी) व नेपाली कांग्रेसया कार्यकर्तात दथुइ ल्वापू जुइवं स्थिति नियन्त्रणय् कायेत स्थानीय प्रशासनं हुम्ला सदरमुकाम सिमिकोटय् बुधवाः न्हिनय् कर्फ्यू आदेश जारी याःगु दु ।

मंगलवाः निसें निगू पार्टी दथुइ जूगु ल्वापू बुधवाः थप हिंसात्मक जुइवं कर्फ्यू आदेश जारी यायेमाःगु खँ प्रशासनं धाःगु दु । मंगलवाः जूगु घटनाया विरोधय् कांग्रेस कार्यकर्तातय्सं बुधवाः हवाई सेवा, बजाः नापं ज्याकूत बन्द याकूगु खःसा माओवादी कार्यकर्तातय्सं बन्द बजाः चायेकेत दवाव बीवं सिमिकोटया कालिंचोकय् हानं ल्वापू जूगु खः ।