एमआरपी भारतय् छापे याके ब्यूगु विरोधय् निगू रिट
मेसिन रिडेवल पासपोर्ट (एमआरपी) भारतय् छापे यायेत ब्यूगु सरकारी निर्णय कार्यान्वयन दिकेमाःगु माग यासें सर्वोच्च अदालतय् मंगलवाः निगू बिस्कं बिस्कं रिट दायर जूगु दु । एमआरपी भारतय् छापे याकेबीगु सरकारी निर्णय त्रुटिपूर्ण जूगु धासें नरबहादुर खत्री व हेममणि सुवेदीं मंगलवाः निगू बिस्कं बिस्कं रिट दायर याःगु खः ।
उगु रिटय् प्रधानमन्त्री, उपप्रधानमन्त्री व परराष्ट्रमन्त्री, अख्तियार दुरुपयोग अनुसन्धान अयोग, अध्यागमन विभानयात विपक्षी दयेकातःगु दु । रिटय् बिना प्रतिस्पर्धा भारतीय कम्पनीयात छापे यायेत बीगु सरकारी निर्णय सार्वजनिक खरिद ऐन २०६३ व नियमावली २०६४या प्रतिकूल जूगु खँ न्ह्यथंनातःगु दु ।
थ्वहे दथुइ मंगलवाः खुल्लामञ्चय् जूगु सभायात सम्बोधन यायेगु झ्वलय् प्रमुख प्रतिपक्षी दल एनेकपा (माओवादी)या अध्यक्षं संसदया अवहेलना यासें भारतयात एमआरपी छापे यायेत बीगु निर्णय याःगु धासें सरकारया कुंखिनेगु नापं वय्कलं उगु निर्णय विरुद्ध मुद्दा तकं लयेफुगु खँ धयादीगु खः ।
