कोइराला निवासय् सुशिल

नेपाली कांग्रेसया कार्यवाहक सभापति सुशिल कोइराला महाराजगंजय् मदुम्ह गिरिजाप्रसाद कोइराला च्वनावयाच्वंगु निवासय् मंगलवाः सरे जुयादीगु दु । थः भिंचा रमेश भण्डारीया बुद्धनगरय् च्वंगु छेँ साधारणरुपय् च्वनाच्वनादीम्ह सुशील कोइराला महारजगंजया सुविधा सम्पन्न छेँय् सरे जुयादीगु खः ।

कांग्रेस सभापति कोइरालाया निधन लिपाः पार्टीया थप जिम्मेवारी कायेत व पार्टी कार्यकर्ता, पार्टी बैठक व विदेशी कुटनीतिज्ञत नाप खँल्हाबंला यायेत अपुइगुलिं वयेक महाराजगंजय् सरे जयादीगु खँ धाःगु दु । थ्वस्वयां न्ह्यः मदुम्ह कोइरालां महाराजगंय् हे पार्टी कार्यकता व कुटनीतिज्ञत नापलायेगु यानाच्वंगु खः । अथेहे उच्चस्तरीय राजनीतिक संयन्त्रया बैठक नापं अन हे च्वनेगु यानावयाच्वंगु खः ।