सदभावना आनन्दीदेवीं सरकारयात ब्यूगु समर्थन लितकाल

आपूर्ति मन्त्री राजेन्द्र महतों नेतृत्व याःगु सदभावना पार्टीं वर्तमान सरकारयात ब्यूगु समर्थन लितकायेगु ख्याच्वः बियाच्वंगु इलय् हे सरिता गिरिं नेतृत्व याःगु सदभावना आनन्दीदेवीं सरकारयात ब्यूगु समर्थन लितकाःगु दु ।

सोमवाः कलैयाय् छगू पत्रकार सम्मेलनया ग्वसाःग्वःया पार्टी अध्यक्ष सरिता गिरिं वर्तमान माधवकुमार नेपाल नेतृत्वया सरकारं शान्ति प्रकृया व संविधान निर्माण यायेगु ज्याय् सही ढंग न्ह्याः मवंगु व तराईलय् शान्ति सुरक्षा कायम यायेमफुगु धासें सरकारयात ब्यूगु समर्थन लितकायेगु घोषणा यानादिल । वय्कलं वर्तमान सरकारयात ब्यूगु समर्थन लित कायेगु घोषणा यानादिसें सोमवाः निसें हे समर्थन लित कायेगु निर्णय लागू जुइगु कनादिल ।

संविधानसभाय् सदभावना आनन्दीदेवी पाखें निम्ह सभासद् दु ।