संसदया हिउँदे अधिवेशन सुरु

व्यवस्थापिका संसदया न्हय्क्वःगु अधिवेशन आइतवाः सुरु जूगु दु । विधान अधिवेशन नं धाइगु थुगु हिउँदे अधिवेशन आइतवाः प्यताः इलय् न्हू बानेशवरय् च्वंगु संसद भवनय् सुरु जूगु खः ।

सभामु सुभासचन्द्र नेम्वाङं राष्ट्रपतिया ज्याकू पाखें संसदया अधिवेशन सुरु यायेत छ्वयाहःगु पौ ब्वनाः संसद अधिवेशन न्ह्याकादीगु खः । संसदया न्हापांगु बैठकय् अर्थमन्त्री सुरेन्द्र पाण्डें आर्थिक न्हापांगु संशोधन अध्यादेश न्ह्यब्वयादिल ।

अथेहे बैठकय् सहिदतय् सम्मानय् निगू मिनेट मौन धारण नं याःगु खः । संसदया मेगू बैठक वइगु चैत २५ गते च्वनीगु जूगु दु ।