एमाले संसदीया दलया बैठक स्थगित

आइतवाः सुथय् च्वनीगु धाःगु एमालेया संसदीय दलया बैठक स्थगित जूगु दु । एमाले दुने अध्यक्ष झलनाथ खनाल पक्षधर व प्रधानमन्त्री माधवकुमार नेपाल दुने तीव्र विवाद ब्वलनेवं बैठक स्थगित याःगु खः ।

बैठकय् प्रधानमन्त्री नेपालया राजीनामा फ्वनेगु लगायत विषययात खनाल पक्षधर सभासद्तय्सं ल्ह्वनेगु जुइवं प्रधानमन्त्रीया विशेष इनापय् बैठक स्थगित जूगु खः । बैठक स्थगित जुइवं एमालेया संसदीय दलया बैठक अनिश्चित जूगु दु ।

थ्वस्वयां न्ह्यः प्रधानमन्त्री नेपालं शनिवाः बहनी पार्टी अध्यक्ष खनाल व महासचिव ईश्वर पोखरेलयात नापलाना प्रधानमन्त्री विरुद्धया हस्ताक्षर संकलन अभियान दिकेत इनाप यानादीगु खः । प्रधानमन्त्रीया इनाप लिपा अध्यक्ष खनाल व महासचिव पोखरेलं हस्ताक्षर अभियान बन्द यायेत निर्देशन बियादीगु खः ।