सरकार परिवर्तन यायेगु बिचाः मदु : खनाल

नेकपा (एमाले)या अध्यक्ष झलनाथ खनालं वर्तमान सरकार परिवर्तन यायेगु थःगु छुं बिचाः मदुगु खँ धयादीगु दु ।

एमाले जिल्ला संगठन ख्वपया खुक्वःगु अधिवेशन लिपाः शनिवाः पत्रकारत नाप खँल्हाबंला यानादिसें वय्कलं पत्रपत्रिकाय् वःगु थें थःम्हं सरकरा परिवर्तनया निंतिं छुं नं कथंया हस्ताक्षर अभियान मन्ह्याकाःगु दावी यानादिसें थ्व पुक्कं हल्ला जक जूगु कनादिल ।

नापं वय्कल माओवादीं नं सरकार परिवर्तनया बारे छु नं कथंया प्रस्ताव मयाःगु दावी यानादिल । वय्कलं शुक्रवाःया उच्चस्तरीय राजनीतिक संयन्त्रय् सरकार परिवर्तनया बारे मखसें राज्य पुनसंरचना आयोगया बारे जक सहलह जूगु कनादिल ।