सक्व महत्सव सुरु
धार्मिक, सांस्कृतिक, ऐतिहासि व पुरातात्विक महत्वं जाःगु सक्वय् शुक्रवाः निसें सक्व महत्सव ११३० सुरु जूगु दु । महत्सवया उल्लेज्या प्रधानमन्त्री माधवकुमार नेपालं यानादीगु खः ।
महत्सवया उल्लेज्या यानादिसें प्रधानमन्त्री नेपालं सक्वयात विश्व सम्पदा क्षेत्रय् सुचिकृत यायेत सरकारं ग्वाहालि यायेगु धयादिल । वय्कलं उकीया निंतिं सक्ववासीतय्त पहल यायेत इनाप यानादिसें धार्मिक, ऐतिहासिक, पुरातात्विक महत्वं जाःगु सक्व खुल्ला संग्रालह जूगुलिं थुकीयात विश्वया सम्पति दयेकेत नेपालं सरकारं पहल यायेगु धयादिल ।
अनया स्थानीयवासीतय्सं बज्रयोगिनि, साली खुसी, शंखरापुर, जोगश्वर चैत्य द्यःग, ऐतिहासिक ढोका नापं थीथी थाय्या थःथःगु हे विशेषता दुगुलिं विश्व सम्पदाय् सूचिकृत यायेत माग यानावयाच्वंगु खः ।
शुक्रवाः सुरु जूगु महत्सवय् स्वीछगू स्टल दुसाः नेवाः नसाः ज्वलं, दछिन्यंक न्ययोकीगु जात्रा, सांस्कृतिक झाँकी लगायत विशेष आकर्षणया रुपय् दुगु खँ ग्वसाः खलकं धाःगु दु । उगु महत्सव वइगु चैत २२ गते तक न्ह्याइ ।
