निदँया पंचवीर सिरपाः छक्वलं बीगु

येँ (सन्ध्या टाइम्स)/बु.सं.२५५१ व २५५२ निदँया पंचवीर सिं सिरपाः थुगुसी छक्वलं बीगु जूगु दु। थ्वहे वइगु एकादशि (चैत्र २८ गते) विश्व शान्ति विहारय् छगू ज्याझ्वः यासें थ्व सिरपाः बीगु क्वःछिउगु दु। थुगुसी बु.सं. २५५१ य् च्वमिपिं प्रेमलक्ष्मी तुलाधर व मदनमुनि वज्राचार्य अले २५५२ य् माया मानन्धर व डा. कविन्द्र वज्राचार्यपिंत सिरपाः बीगु धकाः घोषणा याना तयेधुंकूगु दु ।