न्ह्यागु पार्टी वंसां नेवाः छप्पँ जुइमाः
नेवाःतय् जातीय स्वशासन कायेगु निंतिं न्ह्याग्गु हे राजनीतिइ संलग्न जूपिं नेवाः जूसां छप्पँ जुइमाःगु खँ नेवाः देय् दबूया नायः मल्ल के. सुन्दरं धयादीगु दु । तण्डुकार समाजं ग्वसाः ग्वःगु 'नेपाःया संविधान निर्माण प्रक्रियाय् तण्डुकार समाजया रणनीति' धइगु विषयय् म्हिगः जूगु छगू ज्याझवलय् वय्कलं उगु खँ धयादीगु खः ।वय्कलं थौंया इलय् नेवाःतय्सं स्वायत्त नेवाः राज्य स्वनेगु कुतः यायेमाः धयादिसें तण्डुकारत नं आदिवासी नेवाः जूगुलिं समाजं थुकिया कुतः यायेमाः धयादिल ।
थौंया नेवाःतय् मुद्दा धइगु भाषा संस्कृति जक मखु राजनीतिक रुपं हे सचेत जुयाः न्ह्यायेत सचेत जुइमाःगु खँ कनादिल । वय्कलं राज्य पर्ुनर्संरचना व न्हूगु संविधान दयेकेगु झवलय् नेवाःतय्सं ध्यान बीमाःगु बिचाः प्वंकादिल ।
ज्याझवलय् नेपाः राष्ट्रिय पार्टी उपाध्यक्ष डा. रमेशकुमार श्रेष्ठं नेपाः पार्टीयेकेमाःगु आवश्यकता बारे ध्वाथुइकादीगु खःसा सभासद् भाजु बुद्ध साय्मिं नं थःगु नुगः खँ प्वंकादीगु खः । ज्याझवः तण्डुकार समाजया नायः मदन तण्डुकारया सभापतित्वय् जूगु खः ।
