प्रधानमन्त्रीया स्कर्टिङया गाडी दुर्घटना
प्रधानमन्त्री माधवकुमार नेपालया स्कर्टिङय् दुगु जनपथ प्रहरीया गाडी शुक्रवाः सुथय् येँया डाँछीलय् दुर्घटना जूगु दु । बा. १. ग. २१७४ नम्बरया उगु मीनी ट्रक दुर्घटना जुयाः छगू दर्जन स्वयां अप्व प्रहरीत घाःपाः जूगु दुसाः निम्ह गम्भीर घाःपाः जूगु दु । घा:पा: जूपिं मध्ये प्रहरी निरीक्षक रमेशबहादुर खड्का व प्रहरी जवान मुनिलाल यादवया स्थिति गम्भीर दुगु खँ धा:गु दु ।
प्रधानमन्त्री जोरपाटीं सक्व महत्सवया उल्लेज्या यायेत वनाच्वंगु इलय् स्कर्टिङय् दुगु जनपथ प्रहरीया गाडी गोकर्ण रिसोर्ट न्ह्यनेया मोडय् दुर्घटना जूगु ख: । घाःपाः जूपिं झिंगुम्ह मध्ये झिंछम्हेसित शंकरपुर अस्पताल जोरपाटीलय् वासः याकातःगु दुसाः मेपिं च्याम्हेसित प्रहरी अस्पताल महाराजगंजय् वासः याकातःगु दु ।
अथेहे बिहीवाः बहनी पूर्व-पश्चिम लोकमार्गया सिरहा धनगढी खण्डय् जूगु सतक दुर्घटनाय् छम्ह सीगु दु । स. २. प. ३८०७ नम्बरया मोटरसाईकलयात ल्यूनें वःगु बसं ठक्कर नकूवलय् मोटरसाईकलय् सवार प्रदिप साह घटनास्थलय् हे मदुगु खः । मोटरसाईकल चालक अजय साह घाःसाः गम्भीर घाःपाः जूगु दु । घाःपाः जूम्ह साहयात विपि कोइराला स्वास्थ्य विज्ञान प्रतिष्ठान धरानय् वासः याकातःगु दु ।
