म्हिगः बुंगद्यः न्हवं
यल (सन्ध्या टाइम्स)/बुंगद्यःया न्हवं म्हिगः बहनी ५:३० बजे जुल। दँय्दसं चौलागा पारु कुन्हु बुंगद्यः न्हवं याइगु चलन दु। थुकी गालं लः हयाः नीसी यानाच्वंपिं पान्जुतय्सं लगंख्यःया न्हवं दबुली तयाः पंचामृत नापं प्यंगः थलं स्थान याकीगु खः। अथे हे म्हिगः बहनी सुनानं मखंक बुंगद्यःयात देगलय् तयेगु ज्या नं क्वचाल। चौलागा अष्टमि कुन्हु हाकनं पुनःजन्म जूगु कथं दशकर्म पूजाविधि याइगु चलन दु ।
