खुसिइ कुतुंवनाः स्वम्ह मस्त सित

येँ (सन्ध्या टाइम्स)/अर्घाखाँचीया पाल्ही गाविसय् स्वम्ह मिसामस्त खुसिइ कुतुंवनाः सिनाच्वंगु अवस्थाय् लुइकूगु दु
।

अनया खुसिइ कुतुंवनाः स्थानीय १४ दँ दुम्ह कविता पाण्डे, १२ दँ दुम्ह विष्णु खनाल व मीना खनाल सीगु खः। इपिं खुसिइ क्वब्वानाः लाल काये मफयाः सीगु खँ धाःगु दु। स्थानीय ट्वाङ्दी खुसिइ म्हिगः न्हिनय् म्वःल्हूवंगु इलय् थ्व दुर्घटना जूगु खः ।

इपिं मस्तय् वंगु चान्हय् छेँय् लिहां मवया माःवंगु इलय् खुसिइ सिनाच्वंगु अवस्थाय् लुयावःगु खः धकाः स्थानीय प्रहरीं धाःगु दु ।

थ्वहे दथुइ मेखे नवलपरासीया नगम गाविसय् भिरं कुतुंवनाः छम्ह मनू सीगु दु। उगु हे गाविसया ३८ दँ दुम्ह कुलबहादुर बिकः भिरं कुतंुवनाः सीगु खः ।

बुँइ वनाः लिहां वयाच्वंगु इलय् म्हिगः बहनी वय्कः भिरं कुतुंवंगु खः। भिरं कुतुंवनाः विक घटनास्थलय् हे सीगु खँ स्थानीयवासी नरबहादुर बिकनं जानकारी बियादीगु खः ।