संघीयता विरोधीतय्सं देय्न्यंकं संगठन दयेकीगु
येँ (सन्ध्या टाइम्स)/अन्तरिम संविधानय् तकं न्ह्यथनातःगु संघीयताया विरोध याना वयाच्वंपिंसं आः देय्न्यकं जिल्ला जिल्लाय् संगठन दयेकेगु तयारी याःगु दु ।
छुं दिं न्ह्यः जक जनमोर्चा नेपालया नायः चित्रबहादुर केसीया नेतृत्वय् संघीयता विरोधी मंच दयेकूगु खःसा व हे मंचं देय्न्यकं संगठन दयेकाः आन्दोलन यायेगु तयारी याःगु खः। थ्वहे झ्वलय् उगु मंचया मुँज्या थौं येँय् च्वनेत्यंगु खँ सीदुगु दु ।
लुमंकेबहः जू उगु मंचय् एमाले व कांग्रेस पृष्ठभूमि दुपिं नेतात नं दुजः कथं च्वनाः थ्व इलय् संघीयता विरुद्ध अभियानय् न्ह्याकाच्वंगु दु ।
