रिचार्ज कार्ड मियाच्वंम्ह करेन्टं ज्वनाः सित
येँ (सन्ध्या टाइम्स)/ग्वंगःबुँइ थौं सुथय् करेन्टं ज्वनाः छम्ह मनू सीगु दु। ग्वंगःबुँया किराना पसलय् करेन्टं ज्वनाः रामेछापया चिसापानी गाविसय् च्वंम्ह ३९ दँया मनिल श्रेष्ठ सीगु खः। अनया स्थानीय पुरुषोत्तम बानियाया पसलय् रिचार्ड कार्ड मियाच्वंगु इलय् विद्युतया थामं लच्के जुयाच्वंगु तार आकाझाकां सर्ट जुयाः करेन्टं ज्वनाः मनिल श्रेष्ठ सीगु खः धकाः प्रहरी सहायक निरीक्षक दुर्गादत्त भट्टं धयादीगु दु ।
