शिक्षण अस्पतालया सेवा सुचारु
झिंगुन्हु ताःहाकःगु आन्दोलन लिपा बिहीवाः निसें येँया महारजगंजय् दुगु शिक्षण अस्पतालया सेवा सुचारु जूगु दु । बुधवाः शिक्षा मन्त्री शर्वेन्द्रनाथ शुक्ला व आन्दोलन चिकित्सकत दथुइया वार्ताय् स्नातकोत्तर परीक्षाया बारे छानबिन समिति गठन यायेगु सहमति जुइवं चिकित्सकतय्सं आन्दोलन लितकाःगु ख: ।
थ्वहे दथुइ आन्दोलनरत चिकित्सकतय्सं आः थःपिनिगु आन्दोलन चिकित्सा क्याम्पस व चिकित्साशास्त्र अध्ययन संस्थान डिनया ज्याकूथीइ केन्द्रीत यायेगु खँ धाःगु दु । आन्दोलनरत संघर्ष समितिं छानबिन समिति गठन या:गु सकारात्मक जुसां डिन लगायत पदाधिकारीयात निलम्बन यायेमाःगु माग अझ ल्यं दनीगु खँ धाःगगु दु ।
समितिं बिहीवाः सुथय् गुताः इलं निसें झिताः ई तक हाकूगु पट्टी चिना अस्पताल दुने घौछि धर्ना ब्यूगु दु । चिकित्सकतय्सं झिंगुन्हु तक याःगु आन्दोलनया कारणं स्वीद्वलं मल्याक बिरामीत उपचार पाखें विञ्जत जुइमा:गु ख: ।
