भुटानी प्रम थिन्ले येँय्

पुलांम्ह प्रधानमन्त्री नापं नेपाली कांग्रेसया सभापति मदुम्ह गिरिजाप्रसाद कोइरालाया झिंस्वन्हुया पुण्यतिथिलय् ब्वति कायेत भुटानी प्रधानमन्त्री जिग्मे वाङचुक थिन्ले बिहीवाः येँ थ्यंकादीगु दु । थिन्लेयात उर्जामन्त्री प्रकासशरण महतं त्रिभुवन अन्तर्राष्ट्रिय विमानस्थलय् लसकुस यानादीगु खः ।

येँय् थ्यनेवं श्रद्धाञ्जली बीत भुटानी प्रधानमन्त्री विमानस्थलं तप्यंक कोइरालाया म्ह्याय् नापं उपप्रधानमनत्रीया मन्डिखाटरय् च्वंगु छेँय् झायादीगु खः । वय्कलं बिहीवाः प्रधानमन्त्री माधवकुमार नेपाल लगायत थीथी राजनीतिक दलया नेतात नाप सहलह याना: बिहीवाः बहनी हे भुटान लिहांझायादीगु ज्याझ्वः दु ।