राष्ट्रिय सरकार गठन बारे सहलह सुरु : खनाल
सत्ता नेतृत्व यानाच्वंगु नेकपा (एमाले)या अध्यक्ष झलनाथ खनालं देय्या संक्रकमणकालिन अनस्थायात निकास बीत राष्ट्रिय सहमतिया सरकार गठन यायेगु विषयलय् सहलह सुरु जूगु खँ धयादीगु दु ।
बुधवाः बोडेय् कृषि विकास बैंक कर्मचारी संघया च्याक्वःगु केन्द्रीय महाधिवेशनया उल्लेज्या लिपाः पत्रकारत नाप खँल्हाबंला यानादिसें वय्कलं आःया आवश्यकता राष्ट्रिय सहमतिया सरकार जूगु धयादिसें उच्चस्तरीय राजनीतिक संयन्त्रया बैठठकय् नं थुकीया बारे सहलह जूगु कनादिल ।
अध्यक्ष खनालं देय् एतिहासिक कालखण्डय् दुगु धयादिसें आःया ई अल्पमत व बहुमतया विषययात कयाः विवाद यायेगु ई मजूगु धयादिल । पत्रकारतय्सं न्हूगु राष्ट्रिय सहमतिया सरकार सुयागु नेतृत्वय् गठन जुइ धकाः न्यंगु न्ह्यसःया लिसः धाःसा वय्कलं बियामदी ।
अथेहे वय्कलं जेठ १५ दुने संविधान जारी यायेमफुसाः जनताया म्याण्डेड कयाः ई तनेफइगु धयादिसें दक्वं पार्टी इमान्दार जुयाः शान्ति प्रकृया पूवंकाः संविधान जारी यायेमाःगु धयादिल ।
