मिसन पत्रकार टोली

नेपाली कांग्रेसया सभापति गिरीजाप्रसाद कोईरालां कांग्रेसं प्रेस स्वतन्त्रतायाबिरुद्ध सुं लिसे नं सम्झौता मयायेगु धयादीगु दु । नेपाःया प्रेस स्वतन्त्रताया विषयसं अध्ययन यायेत नेपाः वःगु अन्तर्राष्ट्रिय पत्रकार मिसन पुचःलिसे थौं थःगु हे निवास महाराजगंजय् जूगु नापलाये ज्याय् कोईरालां कांग्रेस न्ह्याबलें अभिव्यक्ति स्वतन्त्रताया पक्षय् दुगु धयादीगु दु ।

वय्कलं कांग्रेस न्ह्याबले नं प्रेस स्वतन्त्रता व अभिव्यक्ति स्वतन्त्रताया पक्षय् ल्वानाः वयाच्वंगु पार्टी जूगु धयादीगु दु । कोईरालां राज्यं न्हापांगु दमन संचारमाध्यमदथुइ याइगु द्धपं बियादीगु दु । पुचलं मेगु थीथी राजनीतिक दल व मन्त्रीतय्त नं नापलायेगु ज्याझ्वः क्वःछिनातःगु दु । मिसन पुलःया छगू पुचः धाःसा मदुम्ह पत्रकार उमा िसंहयाबारे जानकारी कायेत जनकपुर वंगु दु ।