प्रमलिसे थौं कांग्रेस व एमाले नेतातपाखें सहलह
येँ (सन्ध्या टाइम्स)/व्यवस्थापिका संसदया प्रमुख प्रतिपक्षी दल एनेकपा (माओवादी) पाखें सरकार क्वःथलेगु निंतिं संसदय् अविश्वासया प्रस्ताव हइगु खँ पिहां वयेवं संविधानसभाय् दुथ्याःगु राजनीतिक पार्टीया नेतातलिसे परामर्श यायेगुली ब्यस्त जुयाच्वनादीम्ह प्रधानमन्त्री माधवकुमार नेपाललिसे थौं नेपाली कांग्रेस व नेकपा (एमाले) या नेतातय्सं नापलानाः सहलह ब्याकीगु जूगु दु ।
माओवादीं सरकारया नेतृत्व दावी याना वयाच्वंगु नापं थ्वहे माग यासें उमिसं न्ह्याकेत्यंगु आन्दोलनयात कयाः थ्व निगू सत्तारुढ दलया नेतातय्सं प्रधानमन्त्रीलिसे सहलह ब्याकेत्यंगु खः। माओवादीपाखें सरकार विरुद्ध अविश्वासया प्रस्ताव हयेगु धकाः तयारी यानाच्वंगु व उखे प्रम नेपालं नं यदि राष्ट्रिय सरकार दयेकेगु खःसा थः बाधक जुइ मखु धकाः न्ववानादीगु बारे नं थौं सहलह जुइ धाःगु दु ।
