राष्ट्रपति बारे दकलय् ताःहाकःगु वहस
येँ (सन्ध्या टाइम्स)/दकलय् ताःहाकः तक बहस जुयाः राष्ट्रपतिया पलाः विरुद्धया मुद्दां न्यायिक इतिहासय् छगू न्हूगु कीर्तिमान कायम याःगु दु। प्रधानसेनापति कटवालया सवालय् राष्ट्रपतिं ल्ह्वंगु पलाःया बारे जुयाच्वंगु थ्व ताःहाकःगु वहस थौं क्वचायेफुगु खँ धाःगु दु ।
वंगु कार्तिक महिनाया न्हापांगु वालंनिसें आः तक मदिक हे उगु मुद्दाय् बहस जुयाच्वंगु दु। सर्वोच्च अदालतया न्यायाधीशपिं दामोदरप्रसाद शर्मा व राजेन्द्र कोइरालाया इजलाशय् न्यालात्या न्ह्यवंनिसें उगु बसह न्ह्याना वयाच्वंगु खः ।
इन्हुरेड इन्टरनेसनलया कार्यकारी निर्देशक श्रीकृष्ण सुवेदीं थुकिया रिट दायर यानादीगु खः। उगु रिटय् निवेदकया पक्ष व विपक्ष यानाः आः तक ४३ म्ह कानून व्यवसायीतय्सं बहस याये यायेधुंकूगु दु ।
तत्कालीन प्रधानसेनापति रुक्माङगत कटुवालयात पदं चीकेधुंकाः राष्ट्रपति डा. रामवरण यादवं वय्कःयात वहे थासय् बहाली याना बिउगु खः। उगु मुद्दायात कयाः कानून व्यवसायीतय्सं थौं नं बहस यायेत्यंगु दु । थौं थ्यंमथ्यं २ घण्टा बहस जुइ। न्यायाधीश कोइरालां कानून व्यवसायीतय्गु बहस नोट प्रस्तुत यायेधुंकाः छवाःया दुने निर्णय याइ ।
कानून ब्यवसायीतय्त थःथःगु बहस नोट आइतवाः तकया दुने प्रस्तूत यायेत इजलासपाखें निर्देशन बीधुंकूगु दु ।
