'माओवादी नेतृत्वया सरकार असम्भव'
येँ (सन्ध्या टाइम्स)/भूमिसुधार तथा व्यवस्थामन्त्री डम्बर श्रेष्ठं आःया अवस्थाय् एनेकपा (माओवादी)या नेतृत्वय् सरकार दयेकेगु गुगु नं हालय्त सम्भावना मदु धकाः दावी यानादीगु दु ।
एमालेया नेता श्रेष्ठं थौं सुथय् धनगढीइ ग्वसाः ग्वःगु पत्रकार सम्मेलनय् न्ववासें थ्व खँ धयादीगु खः। वय्कलं माओवादीया नेतृत्वय् सरकार दयेकेगु धइगु असम्भव खः धासें यदि माओवादीया नेतृत्वय् हे सरकार दयेकल धाःसां नं क्वःछिनातःगु इलय् न्हूगु संविधान धाःसा जारी याये फइमखु धकाः नं धयादिल ।
