टिचिङ अस्पतालय् थौंया वार्ता विफल

येँ (सन्ध्या टाइम्स)/वंगु झिंच्यान्हु न्ह्यवंनिसें बन्द जुयाच्वंगु टिचिङ्ग अस्पताल चायेकेगु लागिं थौं अस्पताल व्यवस्थान, क्याम्पस व आन्दोलनरत विद्यार्थी च्वनाः याःगु वार्ता असफल जूगु दु। वार्ता ताःमलाःगुलिं अस्पताल चायेकीगु सम्भावना अझ नं मदुनि। थौं हे हानं मेगु चरणया वार्ता नं च्वनेफु धाःगु दु। अस्पताल चायेकेगु लागिं येँ सीडीओं समेत पौ च्वया छ्वये धुंकूगु दु। अस्पताल बन्द यानाः अनया डाक्टरत धाःसा पिने थःथःगु क्लिनिकय् ओभर टाइम ज्या यानाः दां कमे यानाच्वंगु लूगु दु ।