बेलायती प्रधानमन्त्रीया विशेषदूत येँय्

बेलायती प्रधानमन्त्री गोर्डेन ब्राउनया शान्ति सम्बन्धी विशेषदूत ज्याक म्याककोनेल स्वन्हून्यंकया नेपाः भ्रमणया निंतिं बुधवाः येँ थ्यंकादीगु दु । स्वन्हुन्यंकया भ्रमण झ्वलय् कोनें नेपाःया प्रधानमन्त्री माधवकुमार नेपाल, थीथी राजनीतिक दलया शीर्ष नेतात, विदेशी दातृ निकायया प्रतिनिधि व नागरिक समाजया प्रतिनिधिनाप खँल्हाबंला याइगु ज्याझ्वः दु ।

अथेहे वय्कलं प्रधानमन्त्री नेपाल व माओवादी अध्यक्ष पुष्पकमल दाहाल 'प्रचण्ड'यात बेलायती प्रधानमन्त्री गोर्डेन ब्राउनं छ्वयादीगु पौ नं लःल्हाइगु ज्याझ्वः दु । नापं वय्कलं शान्ति मन्त्री रकम चेम्जोङनाप नं खँल्हाबंला यानादी ।