संयन्त्रया बैठक स्थगित

मंगलवाः च्वनीगु धाःगु स्वंगू प्रमुख दल दुथ्याःगु उच्चस्तरीय राजनीतिक संयन्त्रया बैठक स्थगित जूगु दु । सत्तारुढ दल नेपाली कांग्रेस व नेकपा (एमाले)या नेतातय् कार्यव्यस्थताया कारणं बैठक स्थगित यायेमाःगु खँ धाःगु दु । संयन्त्रया संयोजक पुलांम्ह प्रधानमन्त्री गिरिजाप्रसाद कोइरालाया निधन लिपाः थुकीया नेतृत्वय् विवाद जुयाच्वंगु दु । प्रमुख प्रतिपक्षी दल एनेकपा (माओवादी) व सत्ता साझेदार कांग्रेसं संयन्त्रया संयोजक थःपिंत बीमाःगु अडना कयाच्वंगु ।