किसुनजीया धापू छु खः?
येँ (सन्ध्या टाइम्स)/पुलांम्ह प्रधानमन्त्री नापं नेपाली कांग्रेसया पुलांम्ह सभापति कृष्णप्रसाद भट्टराईं संवैधानिक राजतन्त्र कायम यायेमाः धकाः नकतिनि बियादीगु अभिव्यक्तियात कयाः सरकारया धापू वयेमाःगु माग माओवादीं याःगु दु। थौं च्वंगु माओवादी स्थायी समितिया बैठकय् सरकारपाखें थुकिया बारे औपचारिक प्रतिक्रिया वयेमाः धकाः माग याःगु खः। थौं हे च्वनीगु उच्चस्तरीय संयन्त्रया बैठकय् माओवादीं थ्व खँ ल्ह्वनेगु निर्णय नं बैठकं याःगु दु ।
थौंया उच्चस्तरीय संयन्त्रया बैठकय् माओवादीं संयन्त्रया नेतृत्व थःपिंत बीमाः धकाः माग याइगु खँ नं धाःगु दु। संयन्त्रया संयोजक गिरिजाप्रसाद कोइराला मदयेधुंकाः थुकिया नेतृत्वयात कयाः विवाद पिहां वयाच्वंगु खः ।
फोहोरया वार्ता
धादिङया ल्याण्डफिल्ड साइट बन्द याःपिं स्थानीय जनतालिसे थौं मनपां वार्ता यायेत्यंगु दु। उमिसं माग याःगु क्षतिपूर्ति तुरुन्त बीगु खँ नं मनपां धाःगु दु ।
