कुलेखानीइ डुंगा फाता पुलाः निम्ह बेपत्ता

येँ (सन्ध्या टाइम्स)/कुलेखानी जलविद्युतया मत उत्पादन यायेत दयेकातःगु इन्द्र सरोवरय् म्हिगः डुंगा फातापुलाः तनाच्वंपिं निम्ह मनू थौं तकं लुया वःगु मदुनि। उगु डुंगाय् खुम्ह मनू च्वनाच्वंगु खःसा प्यम्हेसित अन च्वंपिं सुरक्षाकर्मीतय्सं बचे याना हःगु खःसां निम्ह धाःसा लखय् बेपत्ता जूगु खः। स्थानीय ४० दँया कृष्ण बलामि व वय्कःया हे भिंचा २० दँया लक्ष्मी बलामि लखय् तनाच्वंगु खः। उमित थौं नं स्थानीय जनता व सुरक्षाकर्मीं मालाच्वंगु दु ।