म्येँ च्वमि घायल मंत
येँ (सन्ध्या टाइम्स)/नांजाःम्ह म्येँ च्वमि बिष्णुप्रसाद शाही 'घायल' वंगु आइतवाः मंत। नेपालभाषा व खय् भाय्या आपालं म्येँ च्वयादीम्ह भाजु घायलया नेपालभाषाय् 'मोहनि रुप' व 'खुसिया निगू किनारा' नांगु एल्बम पिहां वःगु दु। वय्कलं नेपालभाषाया पुलांगु दबू प्याखनय् नं म्येँ च्वयादीगु दु। वि.सं. २००८ श्रावण ४ गते जन्म जुयादीम्ह घायलया कलाः नापं छम्ह काय व छम्ह म्ह्याय् दी ।
