भक्तपुर क्याम्पस स्वर्ण जयन्तीया थीथी कासा
ख्वप (सन्ध्या टाइम्स)/भक्तपुर बहुमुखी क्याम्पसया स्वर्ण जयन्तीया लसताय् अनया स्ववियुया ग्वसालय् न्ह्यानाच्वंगु छवाःयंकंया कासा क्वचाल। नेमकिपाया अध्यक्ष नारायणमान बिजुक्छेँ रोहितं कासाय् त्याःपिं कासामिपिंत सिरपाः व मेडल लःल्हानादिल। ज्याझ्वलय् वय्कलं भागबन्डाया राजनीति अन्त जुइमाःगु खँ कनादिल ।
सामान्य प्रशासन मन्त्री रविन्द्र श्रेष्ठं पद, सत्ता व शक्तिया सदुपयोग यानाः राजनीतिक क्रान्तिं हःगु समग्र परिवर्तन आवश्यक जुयाच्वंगु खँ कनादिल। भक्तपुर बहुमुखी क्याम्पस स्ववियु सभापति हिमानी राणामगरया सभापतित्वय् जूगु उगु ज्याझ्वलय् स्थानीय विकास अधिकारी प्रभा पाण्डे नं न्ववानादिल। उप सभापति गुरुप्रसाद ढकालं लसकुस यानाः न्ह्याकूगु ज्याझ्वलय् सांस्कृतिक ब्वज्या नं जूगु खः ।
