'गणतन्त्र व लोकतन्त्रयात संस्थागत यायेमाः'

राष्ट्रपति डा. रामवरण यादवं गणतन्त्र व लोकतन्त्रया संस्थागत विकास यायेगु दायित्व दक्वं नेपाःमितय् जूगु खँ धयादीगु दु ।

सोमवाः कृष्ण प्रणामी सेवा समितिं ग्वसा:ग्व:गु कृष्ण प्रणामी धर्म महोत्सवया ख्वपय् उल्लेज्या यानादिसें देय् संक्रमणकालय् दुगु खँ न्ह्यथंनादिसें दक्वं मिलेजुया न्ह्याः वनेत इनाप यानादिल । वय्कलं आःया झीगु आवश्यकता गणतन्त्र व लोकतन्त्रया संस्थागत विकास यायेगु जूगुलिं थुकी गम्भीर जुयाः न्ह्याः वनेत दक्वसितं इनाप यानादिल । अथेहे वय्कलं दक्वसितं जातजाति, भाषा, धर्म स्वयां च्वये थंहावनाः देय्या निंतिं योगदान यायेत नं इनाप यानादिल ।

अथेहे राष्ट्रपति यादवं सोमवाः हे गोठाटारय् देयेकूगु न्हूगु कृष्ण द्येगया नं उल्लेज्या यानादिल ।